ప్రార్థన- సంక్షిప్తరామాయణం

॥ సంక్షిప్తరామాయణం ॥

ఆదౌ రామతపోవనాదిగమనం హత్వా మృగం కాంచనం,

వైదేహీహరణం జటాయుమరణం సుగ్రీవసంభాషణం ।

వాలీనిగ్రహణం సముద్రతరణం లంకాపురీదాహనం,

పశ్చాద్రావణకుంభకర్ణహననం ఏతద్ధి రామాయాణం ॥

ఆదౌ రామతపోవనాదిగమనం మృగం కాంచనం హత్వా, వైదేహీ-హరణం జటాయు-మరణం సుగ్రీవ-సంభాషణం వాలీ-నిగ్రహణం సముద్ర-తరణం లంకా-పురీ-దాహనం, పశ్చాద్-రావణ-కుంభకర్ణ-హననం ఏతద్ హి రామాయాణం ॥

ఆదౌ = ముందు

రామ-తపోవనాది-గమనం = రాముడు తపోవనాలకు పోవటం

మృగం కాంచనం హత్వా = బంగారు లేడిని చంపి

వైదేహీ-హరణం = సీత అపహరించబడటం

జటాయు-మరణం = జటాయువు చనిపోవటం

సుగ్రీవ-సంభాషణం = సుగ్రీవునితో సంభాషించటం

వాలీ-నిగ్రహణం = వాలిని వధించటం

సముద్ర-తరణం = సముద్రాన్ని దాటటం

లంకా-పురీ-దాహనం = లంకను దహించటం

పశ్చాద్-రావణ-కుంభకర్ణ-హననం = తరువాత రావణకుంభకర్ణులను వధించటం

ఏతద్ హి = ఇది

రామాయాణం = శ్రీమద్రామాయణం (కథ)

          ముందు రాముడు తపోవనాలకు పోవటం, బంగారు లేడిని చంపటం, సీత (రావణుడి చేత) అపహరించ బడటం, జటాయువు చనిపోవటం, సుగ్రీవునితో (శ్రీరాముడు) సంభాషించటం, వాలిని వధించటం, (హనుమంతుడు) సముద్రాన్ని దాటటం, లంకను దహించటం, తరువాత (శ్రీరాముడు) రావణకుంభకర్ణులను వధించటం- ఇది శ్రీమద్రామాయణం.