ప్రార్థన- సముద్రవసనే

సముద్రవసనే దేవి పర్వతస్తనమండలే ।

విష్ణుపత్ని నమస్తుభ్యం పాదస్పర్శం క్షమస్వ మే ॥ (భూమి నమస్కారం)

దేవి, సముద్ర-వసనే, పర్వత-స్తన-మండలే, విష్ణుపత్ని, తుభ్యం నమః । మే పాద-స్పర్శం క్షమస్వ ॥

దేవి = ఓ దేవీ

సముద్ర-వసనే = సముద్రమే వస్త్రంగాకలదానా

పర్వత-స్తన-మండలే = పర్వతాలే వక్షఃస్థలంగా కల తల్లీ

విష్ణుపత్ని = విష్ణువుకు భార్య అయిన దానా

తుభ్యం నమః = నీకు నమస్కారము

మే పాద-స్పర్శం = నా కాలితో తాకటాన్ని

క్షమస్వ = క్షమించు, సహించు

ఓ దేవీ, సముద్రమే వస్త్రంగాకల అమ్మా, పర్వతాలే వక్షఃస్థలంగా కల తల్లీ, విష్ణువుకు భార్య అయిన దానా, నీకు నమస్కారము. నా కాలితో (నిన్ను) తాకటాన్ని క్షమించు. 

(ఇవన్నీ పదాలు స్త్రీలింగ సంబోధనలు)

(నిద్ర లేవంగానే చేయవలసిన భూమాత ప్రార్థన ఇది. ఈ శ్లోకం చదివి, ఈ భావాన్ని స్మరించి, భూమిని తాకి నమస్కరించిన తరువాతే కింద అడుగు పెట్టాలి అని పెద్దలు చెప్పారు. అది మనం భూమాతకు సమర్పించే కృతజ్ఞత.)